Welcome to the website


ЭЛЧИН САЙД Г.БАТТУНГАЛАГ ХОРВАТЫН ТЭРГҮҮН ШАДАР САЙД БӨГӨӨД ГАДААД ХЭРГИЙН САЙД М.П.БУРИЧ, САНГИЙН САЙД З.МАРИЧ НАРТАЙ ТУС ТУС УУЛЗАВ

Монгол Улсаас Бүгд Найрамдах Хорват Улсад суугаа Элчин сайд Г.Баттунгалаг 2018 оны 1 дүгээр сарын 15-ны өдөр Загреб хотноо ажиллаж, Хорватын Тэргүүн шадар сайд бөгөөд Гадаад хэргийн сайд М.П.Бурич, Сангийн сайд З.Маричтай тус тус уулзаж Монгол Улс, Европын Холбооны хооронд байгуулсан түншлэл, хамтын ажиллагааны хэлэлцээрийг хэрэгжүүлэх талаар ярилцаж, Сангийн сайд, Гадаад харилцааны сайд нарын захидлыг гардуула
more

2017 ОНЫ ШИЛДЭГ ОЮУТАН ШАЛГАРУУЛАВ

Монгол улсын ирээдүйн хөгжилд өөрийн тодорхой хувь нэмрээ оруулах, Австри улсад суралцаж буй Монгол оюутнуудыг дэмжих зорилгоор Монгол Улсаас Бүгд Найрамдах Австри Улсад суугаа Элчин сайдын яамнаас 2017 оны 11 дүгээр сарын 3-ны өдрөөс 12 дугаар сарын 10-ны хооронд “Шилдэг оюутан-2017” уламжлалт уралдаант шалгаруулалтыг амжилттай зохион байгуулав.

Тус шалгаруулалтад Вена, Грац зэрэг австрийн томоохон хотуудад суралцаж буй монгол оюутнууд оролцсоноос Венийн Техникийн их сургуулийн оюутан Ж.Лхагваням 2017 оны шилдэг оюутнаар шалгарч, Элчин сайдын яамны Хүндэт өргөмжлөл, нэг семестрийн сургалтын төлбөрөөр шагнуулав.
more

ИРГЭДИЙН АНХААРАЛД !

2017 оны 12 дугаар сарын 29-ны өдрөөс 2018 оны 1 дүгээр сарын 2-ны өдрийг хүртэл бүх нийтийн амралтын өдрүүд тохиож буй тул 2018 оны 01 дүгээр сарын 2-ны өдрөөс эхлэн ердийн цагийн хуваарийн дагуу ЭСЯ иргэдэд консулын үйлчилгээ үзүүлнэ.

/Консулын яаралтай асуудлаар +43 660 8435659, +43 650 7505101 дугаартай утсаар холбогдоно уу/

Aufgrund der Gesetzlichen Feiertage bleibt die Botschaft der Mongolei von 29. Dezember 2017 bis zum 02. Jänner 2018 geschlossen

/bei dringenden Fällen sind wir unter der Telefonnumer: +43 660 8435659, +43 650 7505101 erreichbar/
more

ЭЛЧИН САЙД Г.БАТТУНГАЛАГ БҮГД НАЙРАМДАХ ХОРВАТ УЛСЫН ЕРӨНХИЙЛӨГЧ КОЛИНДА ГРАБАР КИТАРОВИЧИД ИТГЭМЖЛЭХ ЖУУХ БИЧГЭЭ БАРИВ

Монгол Улсаас Бүгд Найрамдах Хорват Улсад суух Онц бөгөөд Бүрэн эрхт Элчин сайд Г.Баттунгалаг 2017 оны 12 дугаар сарын 18-ны өдөр Бүгд Найрамдах Хорват Улсын Ерөнхийлөгч Колинда Грабар Китаровичид Итгэмжлэх жуух бичгээ барив.

Ерөнхийлөгч Колинда Грабар Китарович Элчин сайдыг хүлээн авч уулзаж, Монгол, Хорватын хамтын ажиллагааны асуудлаар ярилцлаа. Уулзалтын үеэр Элчин сайд Г.Баттунгалаг Монгол Улсын Ерөнхийлөгчийн мэндчилгээг уламжилж, хоёр талын харилцааг эдийн засаг, боловсрол, аялал жуулчлал зэрэг салбарт өргөжүүлэн хөгжүүлэх эрмэлзэлтэй байгаагаа илэрхийлэв.
more

ЛАТИН БҮЖГИЙН ДЭЛХИЙН АВАРГА ШАЛГАРУУЛАХ ТЭМЦЭЭНД МОНГОЛЫН БАГ, ТАМИРЧИД АМЖИЛТТАЙ ОРОЛЦЛОО

Вена хотноо Латин формейшн болон Шоу данс бүжгийн дэлхийн аварга шалгаруулах тэмцээн 2017 оны 12 дугаар сарын 9-ны өдөр амжилттай болж өндөрлөв.

Энэхүү тэмцээний латин формейшн төрөлд Монгол Улсыг төлөөлөн оролцсон “Moon Dance” болон “Star” бүжгийн хамтлаг хагас шигшээд үлдсэн. Харин “Moon Dance” бүжгийн хамтлаг “Мөсөн хатан” хэмээх бүжгээрээ финалд шалгарч, ОХУ, ХБНГУ, Австрийн шигшээ багтай өрсөлдөв. Шигшээ шалгаруулалтаар 6 дугаар байр эзлэв.
more

ВЕНА ХОТНОО МОНГОЛ УРАН БҮТЭЭЛЧДИЙН “ХӨХ” ХАМТАРСАН ҮЗЭСГЭЛЭН НЭЭЛТЭЭ ХИЙЛЛЭЭ

Австри Улсад оршин суугаа монгол уран бүтээлчдийн “Хөх” уран бүтээлийн хамтарсан үзэсгэлэн 2017 оны 12 дугаар сарын 09-ний өдөр Вена хотын “НУУ” урлагийн галерейд нээлтээ хийлээ. Тус үзэсгэлэнг нээж Элчин сайд Г.Баттунгалаг үг хэлэв.

Энэхүү үзэсгэлэнд уран бүтээлч Г.Лхагвасүрэн, Д.Түвдэндорж, Н.Хосбаяр, Б.Отгонбат, С.Энхтүмэн, Б.Очирсүрэн, Н.Зулцэцэг, Т.Зулаа нарын орчин үеийн уран зураг, монгол зураг, уран баримал, арьсан болон гар урлалын нийт 100 гаруй бүтээлээ дэлгэв.

Тус үзэсгэлэнгийн хүрээнд 2017 оны 12 дугаар сарын 15 -ны өдөр монголын урлаг, соёл, угсаатан зүйн чиглэлээр монгол эрдэмтэд өөрсдийн судалгааны бүтээлийг танилцуулах арга хэмжээ мөн зохион байгуулах юм. Тухайлбал: уран бүтээлч М.Чинбат “Монголын урлаг өнөө үед”, Австрийн Шинжлэх ухааны академийн судлаач эрдэмтэн Б.Цэцэнцолмон “Соёлоо худалдсан урвагчид”, Лондонгийн Их сургуулийн судлаач Пр. Д.Бум-Очир “A question about “Mongol” national identity” сэдвээр илтгэл хэлэлцүүлнэ.
more

ГАДААД ХАРИЛЦААНЫ САЙД Д.ЦОГТБААТАР ЮНИДО-ГИЙН ЕРӨНХИЙ ЗАХИРАЛТАЙ УУЛЗАВ

ЕАБХАБ-ын Сайд нарын зөвлөлийн 24 дүгээр уулзалтад оролцож буй Гадаад харилцааны сайд Д.Цогтбаатар 2017 оны 12 сарын сарын 8-ны өдөр Вена дахь НҮБ-ын байранд зочилж, НҮБ-ын Үйлдвэр хөгжлийн байгууллагын /ЮНИДО/ Ерөнхий захирал Ли Ёнгтой уулзалт хийв. Гадаад харилцааны сайд Д.Цогтбаатар Монгол Улсын Засгийн газар жижиг, дунд үйлдвэрлэлийг хөгжүүлэх, технологийн дэвшил, инновацийг нэвтрүүлэхэд өндөр ач холбогдол өгч байгааг уулзалтын үеэр тэмдэглэв.

ЮНИДО-гийн Ерөнхий захирал Ли Ёнг Монгол Улсын аж үйлдвэрийн хөгжлийг бүрэн дэмжиж ажиллахаа илэрхийлж, эдийн засгийг төрөлжүүлэх, жижиг, дунд үйлдвэрлэлийг дэмжих, технологи дамжуулах чиглэлд хамтын ажиллагаа өргөжүүлэхээ нотлов. Хоёр талын хамтын ажиллагааг гүнзгийрүүлэх хүрээнд ЮНИДО-гийн Ерөнхий захирал Ли Ёнг манай улсад ойрын хугацаанд айлчлахаар болов.
more