Элчин сайдын яамандаа бүртгүүлээрэй!


Венад төвтэй олон улсын байгууллагуудын ажлын зар







Манай цахим хуудсанд тавтай морилно уу


Отто Еделманны нэрэмжит Олон улсын дуурийн дуулаачдын 5 дахь удаагийн уралдаанд Э.Анхбаяр дэд байранд шалгарав.

Вена хотноо 2017 оны 11 дүгээр сарын 8-12-ны өдрүүдэд Отто Еделманны нэрэмжит Олон улсын дуурийн дуулаачдын 5 дахь удаагийн уралдаан амжилттай зохион байгуулагдлаа. Энэхүү уралдаанд 39 орны 140 дуурийн дуучид өрсөлдснөөс дуучин Э.Анхбаяр дэд байранд шалгарав.
дэлгэрэнгүй

“ШИЛДЭГ ОЮУТАН – 2017” ШАЛГАРУУЛАХ ТУХАЙ

Монгол улсын ирээдүйн хөгжилд өөрийн тодорхой хувь нэмрээ оруулахыг зорьж, Австри Улсад амжилттай суралцаж буй Монгол оюутнуудыг дэмжих зорилгоор Монгол Улсаас Бүгд Найрамдах Австри Улсад суугаа Элчин сайдын яам “Шилдэг оюутан-2017” уламжлалт уралдааныг зарлаж байна. Дараах шалгуурыг үндэслэж шилдэг оюутныг тодруулна.

Үндсэн үзүүлэлт:
1. Монгол улсын иргэн байх
2. Австри улсын их, дээд сургуульд одоо суралцаж байгаа
3. Цуглуулсан (2017 онд) кредитийн тоо 16 ба түүнээс дээш байх
4. Монгол улсын хөгжилд хувь нэмрээ оруулах тодорхой зорилттой байх
дэлгэрэнгүй

АВСТРИЙН “ДЭЛХИЙН МУЗЕЙ”-Н НЭЭЛТИЙН АЖИЛЛАГАА, ОЛОН УЛСЫН УРЛАГИЙН ТОГЛОЛТОД МОНГОЛЫН УРАН БҮТЭЭЛЧ ОРОЛЦОВ

Жил бүрийн 10 дугаар сарын 26-ны өдөр тохиодог Австрийн Үндэсний баярыг тэмдэглэх хүрээнд Вена хотын “Дэлхийн музей”-н нээлтийн ажиллагаа 2017 оны 10 дугаар сарын 25-ны өдөр болов. Музейг албан ёсоор нээх цуврал арга хэмжээг Австрийн Ерөнхийлөгчийн ивээл дор Вена хотын захиргаа, музейн захиргаа хамтран зохион байгуулсан бөгөөд түүний нэг нь Вена хотын төв талбай /Heldenplatz/-д болсон олон улсын урлагын наадам юм.

Урлагын наадам-тоглолтыг Австрийн алдарт жүжигчин, зохиолч Андре Хеллер найруулсан бөгөөд тоглолтод Монгол, Австрали, Энэтхэг, Иран, Мексик зэрэг 11 улсын уран бүтээлчид үндсэний язгуур урлагийн бүтээлээрээ оролцсон. Уг тоглолтод морин хуурч Д.Энхжаргал “Violons Barbares” монголын язгуур урлагыг орчин цагийн хөгжимтэй хослуулсан уран бүтээлээрээ оролцсон нь онцлог байв
дэлгэрэнгүй

ВЕНА ХОТНОО ЕВРОП ДАХЬ МОНГОЛЧУУДЫН САГСАН БӨМБӨГИЙН АВАРГА ШАЛГАРУУЛАХ 12 ДАХЬ УДААГИЙН ТЭМЦЭЭН БОЛЛОО.

“Монгол хүн - Монгол зүрх” уриан дор Европ дахь Монголчуудын Сагсан бөмбөгийн аварга шалгаруулах 12 дахь удаагийн тэмцээн 10 дугаар сарын 27-29-ний өдрүүдэд Бүгд Найрамдах Австри Улсын нийслэл Вена хотноо амжилттай болж өндөрлөлөө.

Монгол Улсаас Бүгд Найрамдах Австри Улсад суугаа Элчин сайдын яам, Австри дахь “Монголын төлөө зүрх бүхэнд” ТББ хамтран зохион байгуулсан энэхүү тэмцээнд ХБНГУ, ОХУ, ИБУИНВУ зэрэг Европын 12 улсад оршин суугаа Монголчуудаас бүрдсэн нийт 36 сагсан бөмбөгийн баг, хөлбөмбөгийн 7 багийн 500 орчим тамирчид хурд хүчээ сорин өрсөлдлөө.

Тус тэмцээний сагсан бөмбөгийн эрэгтэйчүүдийн ангилалд ХБНГУ-аас оролцсон “Буяны сэтгэлт хүү”, эмэгтэйчүүдийн ангилалд мөн Герман улсаас оролцсон “Sky” эмэгтэйчүүдийн сагсан бөмбөгийн баг тус тус тэргүүлж, Гадаад харилцааны яамны өргөмжлөл, шилжин явах цөмөөр шагнуулав. Сагсан бөмбөгийн аварга шалгаруулах тэмцээний эрэгтэйчүүдийн төрөлд удаах байруудыг “Мон Бер”, “Соёмбо” багууд нар эзэлсэн бол Швед улсаас оролцсон “Оддын охид”, “Money Polo” багууд эмэгтэйчүүдийн төрөлд мөнгө, хүрэл медаль хүртэв.
дэлгэрэнгүй

АВСТРИЙН ТИРОЛ, ЗАЛЬЦБҮРГ МУЖУУДАД АЖИЛЛАВ.

Австрийн баруун болон баруун хойд бүсийн Тирол, Зальцбүрг мужуудад ажиллаж, суралцаж буй монгол иргэдтэй уулзах, тэдэнд консулын үйлчилгээ үзүүлэх зорилгоор Элчин сайдын яамны төлөөлөгчид 10 дугаар сарын 13-14-ний өдрүүдэд тэдгээр мужид ажиллав.

Энэ үеэр Элчин сайд Г.Баттунгалаг эдгээр мужид оршин суугаа монгол иргэдтэй уулзаж, зарим арга хэмжээнд оролцов. Тухайлбал, Зальцбүрг хотод 2013 оноос эхлэн үйл ажиллагаа явуулж буй Монгол сургуулийн хичээлийн шинэ жилийн нээлтэд оролцож, сургуулийн үйл ажиллагаатай танилцав. Тус сургуулийн үйл ажиллагааг дэмжиж, бага ангийн сурах бичгүүдийг Элчин сайдын яамнаас бэлэглэв.

Вена хотоос алсагдмал Иннсбрүк, Зальцбүрг хотод явуулсан консулын үйлчилгээнд монгол иргэд өргөнөөр хамрагдав. Тухайлбал, иргэний шинэчилсэн бүртгэл хийх, шинээр төрсөн хүүхдийг бүртгэх, гадаад паспортын сунгалт хийх зэрэг консулын бүх чиглэлийн үйлчилгээг иргэддээ үзүүлсний зэрэгцээ нийгмийн даатгал, гэр бүл зэрэг дотоодын холбогдох хууль, тогтоомжийн талаар зөвлөлгөө өгч ажиллав.
дэлгэрэнгүй

ВЕНА ХОТНОО МОНГОЛ ХЭЛ, СОЁЛЫН СУРГУУЛИЙН ХИЧЭЭЛИЙН ШИНЭ ЖИЛИЙН НЭЭЛТИЙН АЖИЛЛАГАА БОЛОВ.

Австри дахь Монгол Соёлын нийгэмлэгийн дэргэдэх Монгол хэл, соёлын сургуулийн 2017-2018 оны хичээлийн жилийн нээлтийн ажиллагаа Вена хотноо 2017 оны 10 дугаар сарын 7-ны өдөр болов.

Тус сургуулийн хичээлийн шинэ жилийн нээлтийн ажиллагаанд Элчин сайд Г.Баттунгалаг оролцож, Монголын уламжлалт соёл, ёс заншлын сэдвээр хүүхдүүдэд хичээл заав. Нээлтийн ажиллагаанд Вена хотод оршин суугаа 20 гаруй монгол хүүхэд эцэг, эхийн хамт оролцов.

Мөн тус ЭСЯ-наас тус сургуулийн үйл ажиллагааг дэмжиж, бага ангийн монгол хэлний сурах бичгүүдийг Монгол соёлын нийгэмлэгт бэлэглэв.
дэлгэрэнгүй

Байнгын төлөөлөгч Г.Баттунгалаг Олон улсын атомын энергийн агентлагийн Ерөнхий бага хурлын 61 дүгээр чуулганд үг хэлэв

Энэ 9 дүгээр сарын 18-22-ны өдрүүдэд болж буй Олон улсын атомын энергийн агентлаг (ОУАЭА)-ийн Ерөнхий бага хурлын 61 дүгээр чуулганд оролцож буй Монгол Улсын төлөөлөгчдийн тэргүүн, ОУАЭА-ийн дэргэд суугаа Байнгын төлөөлөгч Г.Баттунгалаг чуулганы ерөнхий санал шүүмжлэлд үг хэлэв.

Тэрбээр хэлсэн үгэндээ өнөө цагийн нийгэм, эдийн засаг, байгаль орчны олон сорилтыг даван туулахад, ОУАЭА, тэр дундаа цөмийн аюулгүй байдал, аюулгүй ажиллагааг бэхжүүлэх олон улсын хүчин чармайлтыг дэмжих, цөмийн эрчим хүчийг энхийн зорилгоор ашиглах улс орнуудын чадавхийг бэхжүүлэхэд чухал үүрэг гүйцэтгэж буйг онцлов.
дэлгэрэнгүй