Элчин сайдын яамандаа бүртгүүлээрэй!






Манай цахим хуудсанд тавтай морилно уу


зарлал

2017 оны 7 дугаар сарын 10-ны өдрөөс 15-ны өдрийг хүртэл бүх нийтийн амралтын өдрүүд тохиож буй тул 2017 оны 07 дугаар сарын 17-ны өдрөөс эхлэн ЭСЯ иргэдэд консулын үйлчилгээ үзүүлнэ.

/Консулын яаралтай асуудлаар +43 660 378 13 01 дугаартай утсаар холбогдоно уу/

Anlässlich der Nationalfeiertage „Naadam“ bleibt die Botschaft der Mongolei von 10. bis zum 15. Juli 2017 geschlossen

/bei dringenden Fällen sind wir unter der Telefonnumer: +43 660 378 13 01 erreichbar/
дэлгэрэнгүй

МОНГОЛ НААДАМ

Монголын түүх, соёлын өв, зан заншлыг гадаадад сурталчлах, Австрид суугаа иргэдээ дэмжих зорилгоор Монгол Улсаас Бүгд Найрамдах Австри Улсад суугаа Элчин сайдын яам Австрийн Линз хотод 2017 оны 7 дугаар сарын 8-ны өдөр “Монгол наадам” арга хэмжээг “Миний Монгол” холбоотой хамтран зохион байгуулна.

Та бүхнийг баяр наадмын арга хэмжээнд хүрэлцэн ирэхийг урьж байна.
дэлгэрэнгүй

МОНГОЛ УЛСЫН ЕРӨНХИЙЛӨГЧИЙН 2017 ОНЫ СОНГУУЛИЙН ХОЁР ДАХЬ ШАТНЫ САНАЛ ХУРААЛТ

Сонгуулийн тухай хуулийн 105.2 дугаарт заасны дагуу Монгол Улсын Ерөнхийлөгчийн 2017 оны сонгуулийн хоёр дахь шатны санал авах ажиллагаа 2017 оны 7 дугаар сарын 4, 5-ны өдрийн 07.00-22.00 цагт Вена дахь ЭСЯ-ны байранд болно.

Сонгуулийн тухай хуулийн 62.2-62.10 дугаарт заасны дагуу 2017 оны 5 дугаар сарын 30-ны өдөр танилцуулагдсан Ерөнхийлөгчийн 2017 оны ээлжит сонгуулийн Австри Улсын Вена хотын салбар комисс дахь сонгогчдын нэрийн жагсаалтад байгаа сонгогчид дараах хаяг, цагийн хуваарийн дагуу Монгол Улсын иргэний цахим үнэмлэх, эсхүл гадаад паспортайгаа ирж, Ерөнхийлөгчийн сонгуулийн хоёр дахь шатны санал хураалтад оролцож саналаа өгнө үү.

Цагийн хуваарь: 2017 оны 7 дугаар сарын 4, 5-ны Мягмар, Лхагва гариг 07.00-22.00 цаг

Хаяг: ЭСЯ, 11 дүгээр салбар комиссын санал авах байр Fasangartengasse 45, 1130 Wien
дэлгэрэнгүй

ТОДРУУЛГА МЭДЭЭ

Монгол Улсын Ерөнхийлөгчийн 2017 оны сонгуулийг УИХ-аас 2015 онд баталсан Сонгуулийн тухай хуулийн дагуу зохион байгуулж байгаа бөгөөд тус хуулийн 62.1 дүгээрт “Гадаад улсад суугаа иргэд гадаадад санал авах өдрөөс 40 хоногийн өмнөөс эхлэн 20 хоногийн хугацаанд өөрийн оршин суугаа улсад байгаа Дипломат төлөөлөгчийн газарт биечлэн ирж, эсхүл шуудан буюу цахим шуудан, факсаар сонгуульд оролцохоо мэдэгдэж, бүртгүүлнэ.” гэж заасан. Үүний дагуу сонгогчдын бүртгэлийг 2017 оны 5 дугаар сарын 1-20-ны өдрүүдэд Вена дахь ЭСЯ-нд хүлээн авсан.
дэлгэрэнгүй

ИТГЭМЖЛЭХ ЖУУХ БИЧГЭЭ БАРИВ

Монгол Улсаас Бүгд Найрамдах Словени Улсад суух Онц бөгөөд Бүрэн эрхт Элчин сайд Г.Баттунгалаг 6 дугаар сарын 19-ний өдөр Бүгд Найрамдах Словени Улсын Ерөнхийлөгч Борут Пахорт Итгэмжлэх жуух бичгээ өргөн барив
дэлгэрэнгүй

ГАДААД УЛСАД БАЙГАА ИРГЭДИЙН САНАЛ АВАХ АЖИЛЛАГАА
САНАЛАА ӨГӨХӨД АНХААРАХ ЗҮЙЛ

• Сонгогч Таны саналыг авах ажиллагаа 2017 оны 6 дугаар сарын 10,11-ний өдрүүдэд 07.00-22.00 цагт явагдана.

• Сонгогч Та саналаа өгөхөөр очихдоо ИРГЭНИЙ ҮНЭМЛЭХ эсхүл ҮНДЭСНИЙ ГАДААД ПАСПОРТАА заавал авч очоорой.

• Сонгогч Таны баримт бичгийг Салбар комиссын зохион байгуулагч сонгогчдын нэрийн жагсаалттай тулган үзэж, сонгогч Танд саналын хуудсыг дугтуйн хамт олгоно.

• Саналын хуудас, дугтуй авсан сонгогч Та сонгогчдын нэрийн жагсаалтад гарын үсгээ зурж баталгаажуулна.

• Сонгогч Та саналын хуудсыг дугтуйн хамт авч, санал бэлтгэх бүхээгт саналын хуудасны зааварт заасан тэмдэглэгээний дагуу өөрийн сонгохыг хүссэн 1 нэр дэвшигчийн нэрийн өмнөх улаан хүрээ бүхий зууван дугуйг дүүргэн будаж саналаа тэмдэглэнэ.

• Саналаа тэмдэглэсний дараа саналын хуудсаа дугтуйд хийн битүүмжилж саналын хайрцагт хийгээрэй.

• Хэрэв саналын хуудаст саналаа тэмдэглэхдээ алдаа гаргаж, саналын хуудаст зааснаас өөр, эсхүл буруу тэмдэглэл хийсэн бол саналын хуудсаа битүүмжлэн саналын хайрцагт хийхээс өмнө энэ тухайгаа салбар комисст мэдэгдэж, алдаатай саналын хуудсыг хураалгаж, дахин нэг удаа саналын хуудас авч саналаа гаргаж болно.

• Нэгээс илүү нэр дэвшигчийн төлөө санал өгвөл Таны санал хүчингүй болохыг анхаарна уу.

СОНГОГЧ ТА СОНГУУЛЬДАА ИДЭВХТЭЙ ОРОЛЦООРОЙ.

Гадаад улсад байгаа сонгуулийн эрх бүхий иргэдийн саналыг авах ажлыг зохион байгуулах Вена дахь 11 дүгээр салбар комисс

Санал авах байрны хаяг: Fasangartengasse 45, 1130 Wien
Утас: +43-1-5352807
E-mail: vienna@mfa.gov.mn , mgl.embassy.vienna@gmail.com
Website: https://www.vienna.embassy.mn
Нэр дэвшигчдийн тухай мэдээлэл: https://gec.gov.mn/details/2142
дэлгэрэнгүй

Байнгын төлөөлөгч Г.Баттунгалаг Авлигын эсрэг олон улсын академийн Гүйцэтгэх захирал М.Кройтнерт Итгэмжлэх захидлаа барив

Монгол Улсаас Венад төвтэй олон улсын байгууллагуудын дэргэд суугаа Байнгын төлөөлөгч Г.Баттунгалаг 2017 оны 6 дугаар сарын 1-ний өдөр Авлигын эсрэг олон улсын академийн Гүйцэтгэх захирал Мартин Кройтнерт Итгэмжлэх захидлаа барив.
дэлгэрэнгүй